ദേശീയപാതയിൽ ട്രാക്ടറും ട്രോളിയുമായി തമ്പടിച്ചിരിക്കുന്ന കർഷകരെ വിമർശിച്ച് ഹൈക്കോടതി

കർഷകസമരത്തിന്റെ ഭാഗമായുള്ള ഡൽഹി ചലോ മാർച്ചിൽ പങ്കെടുക്കുന്ന കർഷകരാണ് പഞ്ചാബ്-ഹരിയാണ അതിർത്തിയായ ശംഭുവിൽ ട്രാക്ടറുകളും മറ്റുമായി കഴിയുന്നത്. പ്രതിഷേധിക്കാൻ എല്ലാവർക്കും അവകാശമുണ്ടെന്നും എന്നാൽ, ഭരണഘടനാപരമായ കടമകൾ പാലിക്കണമെന്നും ആക്ടിങ് ചീഫ് ജസ്റ്റിസ് സന്ദാവാലിയ, ജസ്റ്റിസ് ലപിത ബാനർജി എന്നിവരടങ്ങുന്ന ബെഞ്ച് കർഷകർക്ക് നിർദേശം നൽകി. പ്രതിഷേധം ന്യായമായ നിയന്ത്രണങ്ങൾക്കു വിധേയമാണെന്നും ഓർമിപ്പിച്ചു.