വീട്ടിൽ പ്രസവത്തിനിടെ ഭാര്യയും കുഞ്ഞും മരിച്ച സംഭവത്തിൽ ഭർത്താവ് കസ്റ്റഡിയിൽ

വീട്ടിൽ പ്രസവത്തിനിടെ ഭാര്യയും കുഞ്ഞും മരിച്ച സംഭവത്തിൽ നയാസ് എന്നയാളെ കസ്റ്റഡിയിലെടുത്തു. തിരുവനന്തപുരം കാരക്കാമണ്ഡപത്തിൽ ഇന്നലെ വൈകിട്ടാണ് സംഭവം. പൂന്തുറ സ്വദേശി ഷമീന(36)യും കുഞ്ഞുമാണ് മരിച്ചത്. അവരുടെ ബന്ധുക്കൾ അവരെ ആശുപത്രിയിൽ കൊണ്ടുപോകാതെ വീട്ടിൽ തന്നെ പ്രസവിച്ചു. ഷമീനയുടെ നാലാമത്തെ പ്രസവമായിരുന്നു ഇത്. ഭർത്താവ് ഇല്ലാത്തതിനാൽ ഷമീനയും മക്കളും വീട്ടിലായിരുന്നു. ഷമീന ഗർഭിണിയാണെന്നറിഞ്ഞ ആശാ വർക്കർമാർ ആശുപത്രിയിൽ ചികിത്സ തേടാൻ നിർദേശിച്ചെങ്കിലും ഷമീന ഗൗനിച്ചില്ല. നയാസിൻ്റെ ആദ്യ ഭാര്യയും മകളും വീട്ടിലിരുന്ന് പ്രസവത്തിന് ശ്രമിച്ചു.

പ്രസവശേഷം ഉണ്ടായ അമിത രക്തസ്രാവമാണ് ഇരുവരുടെയും മരണത്തിലേക്ക് നയിച്ചത്. സ്വകാര്യ ആശുപത്രിയിൽ എത്തിച്ചപ്പോഴാണ് വിവരം അറിയുന്നത്. നേമം പോലീസ് കേസെടുത്ത് അന്വേഷണം ആരംഭിച്ചു. അസ്വാഭാവിക മരണത്തിനാണ് കേസെടുത്തിരിക്കുന്നത്. ഷമീനയുടെ ഭർത്താവ് നയാസിനെ കസ്റ്റഡിയിലെടുത്തിട്ടുണ്ട്.