കസ്റ്റംസ് അറസ്റ്റുകൾ റിപ്പോർട്ട് ചെയ്യുന്നത് സംബന്ധിച്ച മാർഗരേഖ പുതുക്കി കേന്ദ്രം

കള്ളക്കടത്ത്, വാണിജ്യത്തട്ടിപ്പുകൾ എന്നിവയുമായി ബന്ധപ്പെട്ട അറസ്റ്റുകൾ കസ്റ്റംസ് ഓഫീസർമാർ റിപ്പോർട്ട് ചെയ്യുന്നത് സംബന്ധിച്ച മാർഗരേഖ പുതുക്കി. അറസ്റ്റുനടന്നാൽ 24 മണിക്കൂറിനകം കസ്റ്റംസ് സോണിലെ ചീഫ് കമ്മിഷണറോ ഡയറക്ടർ ജനറലോ റിപ്പോർട്ട് ഫയൽചെയ്യണമെന്ന് ഫീൽഡ് ഓഫീസർമാർക്കയച്ച നിർദേശത്തിൽ കേന്ദ്ര പരോക്ഷനികുതി, കസ്റ്റംസ് ബോർഡ് വ്യക്തമാക്കി.