ചെന്നൈയിൽ പാർക്കുകളിൽ വായനമൂല ഒരുക്കുന്നു

ചൂളൈയിലെ രാഘവേന്ദ്രാ പാർക്കിലും റോയപുരത്തെ മേയ് ഡേ പാർക്കിലുമാണ് വായനമൂല തുടങ്ങിയത്. പുസ്തകങ്ങളടങ്ങിയ പെട്ടിയും ഇരുന്നുവായിക്കാനുള്ള ബെഞ്ചുമാണ് ഇവിടെയുള്ളത്. രാവിലെ എട്ടുമുതൽ 12 വരെയും വൈകീട്ട് നാലുമുതൽ എട്ടുവരെയും പൊതുജനങ്ങൾക്ക് ഇവിടെയിരുന്നു വായിക്കാം. പെട്ടിയിലെ പുസ്തകം വായിച്ചശേഷം തിരിച്ച് ഭദ്രമായി വെക്കണം. താത്പര്യമുള്ളവർക്ക് പുസ്തകങ്ങൾ സംഭാവനചെയ്യുകയുമാവാം.