ബെംഗളൂരു നമ്മ മെട്രോയ്ക്കുവേണ്ടിയുള്ള ആദ്യ ഡ്രൈവറില്ലാ മെട്രോ കോച്ചുകൾ ചൈനയിൽ നിന്ന് എത്തി

ബെംഗളൂരു നമ്മ മെട്രോയ്ക്കുവേണ്ടിയുള്ള ആദ്യ ഡ്രൈവറില്ലാ മെട്രോ കോച്ചുകൾ ചൈനയിൽനിന്ന് ബെംഗളൂരുവിലെത്തി. 22 ദിവസംകൊണ്ടാണ് ആറു മെട്രോ കോച്ചുകൾ ബെംഗളൂരുവിലെത്തിച്ചത്. കടൽമാർഗം ചെന്നൈ തുറമുഖത്തെത്തിച്ച കോച്ചുകൾ റോഡുമാർഗം വെള്ളിയാഴ്ച പുലർച്ചെ 3.45-ന് ബെംഗളൂരുവിലെ ഹെബ്ബഗോഡി ഡിപ്പോയിലെത്തിയെന്ന് ബെംഗളൂരു മെട്രോറെയിൽ കോർപ്പറേഷൻ (ബി.എം.ആർ.സി.എൽ.) ഉദ്യോഗസ്ഥർ അറിയിച്ചു.