കെഎസ്ആര്‍ടിസി ബസും സ്വകാര്യബസും കൂട്ടിയിടിച്ച് അപകടം; പോലീസുകാരടക്കം 22 പേര്‍ക്ക് പരിക്ക്

കോഴിക്കോട്: കൊടുവള്ളിയില്‍ കെഎസ്ആര്‍ടിസി ബസും സ്വകാര്യബസും കൂട്ടിയിടിച്ച് അപകടം. അഞ്ച് പോലീസുകാരടക്കം 22 പേര്‍ക്ക് പരിക്ക്. ഒരാളുടെ നില ഗുരുതരമാണെന്നാണ് വിവരം. പരിക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

കുന്ദമംഗലത്തിനടുത്ത് പടനിലത്ത് രാവിലെ ഏഴരയ്ക്കാണ് അപകടം സംഭവിച്ചത്. തിരുവനന്തപുരത്ത് നിന്നും വയനാട്ടിലേക്ക് പോവുകയായിരുന്ന കെഎസ്ആര്‍ടിസി ബസും അടിവാരം ഭാഗത്തു നിന്നും കോഴിക്കോട്ടേക്ക് വരികയായിരുന്ന സ്വകാര്യബസുമാണ് കൂട്ടിയിടിച്ചത്.