58 കാരനെ അയൽവാസി കുത്തിക്കൊന്നു

ശനിയാഴ്ച ഡൽഹിയിലെ ദയാൽപൂർ പ്രദേശത്ത് 58 കാരനായ ഒരാളെ അയൽവാസി 10,000 രൂപ കടം തിരികെ നൽകാത്തതിന്റെ പേരിൽ കുത്തിക്കൊന്നു. ഉച്ചയ്ക്ക് 1.30 ഓടെ ഭാരത് ഡെയറിക്ക് സമീപം വെച്ച് ഷാഹിദിൻ്റെ കുത്തേറ്റ സഹുറുദ്ദീനാണ് കൊല്ലപ്പെട്ടത്, അവിടെ വെച്ച് തന്നെയായിരുന്നു മരണം. സഹുറുദ്ദീനിൽ നിന്ന് 10,000 രൂപ ഷാഹിദ് കടം വാങ്ങിയിരുന്നുവെന്നും എന്നാൽ പണം തിരികെ നൽകാൻ ഷാഹിദ് തയ്യാറായില്ലെന്നും പോലീസ് ഉദ്യോഗസ്ഥൻ പറഞ്ഞു.

കടം തിരിച്ച് നൽകണമെന്ന് സഹുറുദ്ദീൻ ഷാഹിദിനോട് ആവശ്യപ്പെടുന്നത് ഇരുവരും തമ്മിൽ തർക്കത്തിന് ഇടയാക്കിയതായി പോലീസ് പറഞ്ഞു.മറ്റൊരു പോലീസ് ഉദ്യോഗസ്ഥൻ പറയുന്നതനുസരിച്ച്, ഇരയ്ക്ക് ഷൂ നിർമ്മാണ ബിസിനസ്സ് ഉണ്ടായിരുന്നു. സഹുറുദ്ദീൻ്റെ മകൻ സൊഹൈലിൻ്റെ പരാതിയുടെ അടിസ്ഥാനത്തിൽ കൊലപാതകത്തിന് കേസെടുത്ത് അന്വേഷണം ആരംഭിച്ചതായി അദ്ദേഹം പറഞ്ഞു.