മദ്രസ പൊളിച്ചതിൽ സംഘർഷം: ഉത്തരാഖണ്ഡിൽ ആറുമരണം

സ്ഥിതിഗതികൾ നിയന്ത്രണവിധേയമാക്കാൻ പ്രദേശത്ത് കർഫ്യൂ ഏർപ്പെടുത്തി. അക്രമികളെ കണ്ടാലുടൻ വെടിവെക്കാൻ ഉത്തരവിട്ടിട്ടുണ്ട്. സ്കൂളുകൾ പൂട്ടി. ഇൻറർനെറ്റ് സേവനങ്ങൾ നിർത്തി. മുഖ്യമന്ത്രി പുഷ്കർ സിങ് ധാമിയുടെ നേതൃത്വത്തിൽ അടിയന്തരയോഗം വിളിച്ച് സ്ഥിതിഗതികൾ വിലയിരുത്തി. സംഭവത്തിനു പിന്നിൽ ആസൂത്രിത ഗൂഢാലോചനയുണ്ടെന്ന് മുഖ്യമന്ത്രി കുറ്റപ്പെടുത്തി. പോലീസ് സ്റ്റേഷൻ ആക്രമിച്ചതിന് നാലുപേരെ അറസ്റ്റുചെയ്തു. പരിക്കേറ്റ മാധ്യമപ്രവർത്തകനുൾപ്പെടെ ഏഴു പേർ വിവിധ ആശുപത്രികളിൽ ചികിത്സയിലാണ്. അൻപതിലേറെ പേരെ പ്രാഥമികശുശ്രൂഷ നൽകിയശേഷം വിട്ടയച്ചു.