യുഎസിൽ വിദ്യാര്‍ഥിയുമായി ലൈംഗിക ബന്ധത്തില്‍ ഏര്‍പ്പെട്ട അധ്യാപികയ്ക്ക് 50 വര്‍ഷം തടവ്

ഇവര്‍ കുറ്റം സമ്മതിച്ചിരുന്നു. വിദ്യാര്‍ഥിയുടെ വീട്ടില്‍ നിന്ന് അധ്യാപികയുടെ ഡിഎന്‍എ തെളിവായി പൊലീസിന് ലഭിച്ചിരുന്നു. ഇവര്‍ക്കെതിരെ  അപക്വമായി പെരുമാറി, അവകാശങ്ങള്‍ ലംഘിച്ചു തുടങ്ങിയ കുറ്റങ്ങളാണ് കണ്ടെത്തിയത്.

2022-23 വര്‍ഷത്തിലായിരുന്നു കേസിന് ആസ്പദമായ സംഭവം. വീട്ടില്‍ രഹസ്യമായി എത്തിയായിരുന്നു പതിനാലുകാരനായ വിദ്യാര്‍ഥിയുമായി വിവാഹിതയായ മേഗന്‍ ലൈംഗികബന്ധത്തില്‍ ഏര്‍പ്പെട്ടത്. അധ്യാപിക വിദ്യാര്‍ഥിയെ ചൂഷണം ചെയ്യുന്നത് സംബന്ധിച്ച്‌ പൊലീസിന് രഹസ്യവിവരം ലഭിച്ചിരുന്നു. തുടര്‍ന്ന് നടത്തിയ അന്വേഷണത്തിലാണ് ഇവരെ പിടികൂടിയത്.