”കേരളത്തിന്റെ പേരുകേട്ട കുടുംബശ്രീ നിര്‍ത്തലാക്കുന്നതാണ് നല്ലത്”;കേന്ദ്രമന്ത്രി

പാവപ്പെട്ട സ്ത്രീകളുടെ കൈയിലേക്ക് പണമെത്തിക്കാന്‍ കഴിയുന്നില്ലെങ്കില്‍ കേരളത്തിന്റെ പേരുകേട്ട കുടുംബശ്രീ നിര്‍ത്തലാക്കുന്നതാണ് നല്ലതെന്ന് കേന്ദ്ര ഗ്രാമീണ വികസന മന്ത്രി ഗിരിരാജ് സിങ്. കേരളത്തിന്റെ കേന്ദ്രവിഹിതവുമായി ബന്ധപ്പെട്ട ചോദ്യങ്ങളില്‍ പ്രകോപിതനായായിരുന്നു മന്ത്രിയുടെ പ്രതികരണം. പ്രധാനമന്ത്രി ആവാസ് യോജനയ്ക്കായി കഴിഞ്ഞ മൂന്നുവര്‍ഷം സംസ്ഥാനത്തിന് എത്ര തുക അനുവദിച്ചെന്ന് വ്യക്തമാക്കാമോ എന്ന് എ.എ. റഹീം എം.പി. ചോദ്യമുന്നയിച്ചപ്പോഴാണ് മന്ത്രി കുടുംബശ്രീയെ പരാമര്‍ശിച്ചത്. യു.പി.എ. സര്‍ക്കാരിന്റെ 10 വര്‍ഷത്തില്‍ കേരളത്തിന് 8500 കോടിയാണ് നല്‍കിയതെന്നും മോദി സര്‍ക്കാരിന്റെ 10 വര്‍ഷത്തില്‍ അത് 64,000 കോടിയാണെന്നും മന്ത്രി പറഞ്ഞു.