വിദേശസംഭാവന: ഒരു സംഘടനയുടെകൂടി എഫ്.സി.ആർ.എ. രജിസ്‌ട്രേഷൻ റദ്ദാക്കി

സംഘടനകൾക്കും സ്ഥാപനങ്ങൾക്കും വിദേശത്തുനിന്ന് സംഭാവന വാങ്ങുന്നതിന് എഫ്.സി.ആർ.എ. രജിസ്‌ട്രേഷൻ ആവശ്യമാണ്. മാനദണ്ഡങ്ങൾ പാലിക്കുന്നില്ലെന്നു കണ്ടെത്തിയതിനെത്തുടർന്നാണ് ടി.എ.എസ്.ഒ.എസിന്റെ രജിസ്‌ട്രേഷൻ റദ്ദാക്കിയതെന്ന് കേന്ദ്ര ആഭ്യന്തരമന്ത്രാലയം പറയുന്നു. വിദേശത്തുനിന്ന് സഹായം സ്വീകരിക്കാൻ സംഘടനയ്ക്ക് കഴിയില്ലെന്ന് മന്ത്രാലയം വ്യക്തമാക്കി. തമിഴ്‌നാട് കാത്തലിക് ബിഷപ്പ്സ് കോൺഫറൻസിന്റെ കീഴിലുള്ള സന്നദ്ധസംഘടനയാണ് ടി.എ.എസ്.ഒ.എസ്.