കല്യാണിൽ ശിവസേനാ നേതാവിനെയും കൂട്ടാളിയെയും ബി.ജെ.പി. എം.എൽ.എ. വെടിവെച്ചു

വെള്ളിയാഴ്ച രാത്രി ഉല്ലാസ്‌നഗർ ഹിൽലൈൻ പോലീസ് സ്റ്റേഷനിലാണ് വെടിവെപ്പുണ്ടായത്. പരിക്കേറ്റവരെ ആദ്യം ഉല്ലാസ്‌നഗർ മീര ആശുപത്രിയിലും പിന്നീട് താനെ ജുപിറ്റർ ആശുപത്രിയിലേക്കും മാറ്റി. ജുപിറ്റർ ആശുപത്രിയിൽ നടത്തിയ ശസ്ത്രക്രിയയിലൂടെ മഹേഷ് ഗായക്‌വാഡിന്റെ ശരീരത്തിൽനിന്ന് അഞ്ച് വെടിയുണ്ടകളും രാഹുൽ പാട്ടീലിൽനിന്ന് ഒരു വെടിയുണ്ടയും ഡോക്ടർമാർ പുറത്തെടുത്തതായി ആശുപത്രി അധികൃതർ പറഞ്ഞു.