കള്ളപ്പണം വെളുപ്പിക്കൽ കേസ്;ബിനീഷ് കോടിയേരിയുടെ ജാമ്യം റദ്ദാക്കണമെന്നാവശ്യപ്പെട്ട് ഇ.ഡി. നൽകിയ ഹർജി സുപ്രീംകോടതി തള്ളി

2020 ഒക്ടോബർ 29-ന് അറസ്റ്റിലായ ബിനീഷ് കോടിയേരിക്ക് 2021 ഒക്ടോബറിലാണ് ഹൈക്കോടതി ജാമ്യം അനുവദിച്ചത്. ബിനീഷിനെതിരേ കൃത്യമായ തെളിവുണ്ടായിട്ടും ഹൈക്കോടതി പരിഗണിച്ചില്ലെന്ന് ബെംഗളൂരുവിലെ ഇ.ഡി. ഡെപ്യൂട്ടി ഡയറക്ടർ നൽകിയ ഹർജിയിൽ പറഞ്ഞു. കേസിൽ നാലാംപ്രതിയായ ബിനീഷിനെതിരേ കൃത്യമായ തെളിവുകളുണ്ട്. സാമ്പത്തികസ്രോതസ്സ് സംബന്ധിച്ച് ബിനീഷ് കൃത്യമായ വിശദീകരണം നൽകിയില്ല തുടങ്ങിയ വാദങ്ങളാണ് ഇ.ഡി. ഉന്നയിച്ചത്.