പടക്കശാല സ്ഫോടനം; മലയാളിയുള്‍പ്പെടെ രണ്ടു പേരെ തിരിച്ചറിയാൻ ഡിഎൻഎ പരിശോധന

മംഗളൂരു: ദക്ഷിണ കന്നട ജില്ലയിലെ ബെല്‍ത്തങ്ങാടിയിലുണ്ടായ പടക്കശാല സ്ഫോടനത്തിൽ മലയാളിയുള്‍പ്പെടെ രണ്ടു പേരെ തിരിച്ചറിയാൻ ഡിഎൻഎ പരിശോധന.

മലയാളിയായ എം. വർഗ്ഗീസ്, ഹാസൻ അർസിക്കരയിലെ ചേതൻ എന്നിവരുടേതാണോ മറ്റു രണ്ട് മൃതദേഹങ്ങള്‍ എന്നറിയാനാണ് ഡി.എൻ.എ പരിശോധന.

മൂന്നുപേരുടെ ജീവനെടുത്ത സ്ഫോടനം നടന്ന പടക്ക നിർമാണ ശാല അഗ്നിശമന സേന വിഭാഗം ഡി.ഐ.ജി രവി ഡി. ചണ്ണന്നവർ സന്ദർശിച്ചു. സ്ഫോടന ആഘാതത്തില്‍ 70 മീറ്റർ വരെ അകലത്തില്‍ ചിതറിത്തെറിച്ചതിനാല്‍ രണ്ട് മൃതദേഹങ്ങളുടെ തിരിച്ചറിയാനാവുന്ന ഭാഗങ്ങള്‍ ശേഷിക്കുന്നില്ല. ആശുപത്രിയിലേക്ക് കൊണ്ടുപോവുംവഴി മരിച്ച എ. സ്വാമി എന്ന കുഞ്ഞി എന്ന നാരായണയുടെ(55) മൃതദേഹം ബന്ധുക്കള്‍ക്ക് കൈമാറി.