പ്രാണ പ്രതിഷ്ഠയ്‌ക്ക് ശേഷം രാംലല്ല വിഗ്രഹത്തില്‍ തനിക്ക് മാറ്റം തോന്നിയെന്ന് ശിൽപ്പി അരുണ്‍ യോഗിരാജ്

ന്യൂദല്‍ഹി: രാംലല്ല വിഗ്രഹത്തില്‍ പ്രാണ പ്രതിഷ്ഠയ്‌ക്ക് പിന്നാലെ എന്തോ മാറ്റം ഉണ്ടായതായി തോന്നിയെന്ന് ഒരു ദേശിയ മാധ്യമത്തിനു നല്‍കിയ അഭിമുഖത്തിൽ ശില്‍പി അരുണ്‍ യോഗിരാജ് പറഞ്ഞു.

ഞാന്‍ രാം ലല്ലയുടെ പ്രതിമയുടെ എല്ലാ കോണുകളില്‍ നിന്നുള്ള ഫോട്ടോകള്‍ എടുത്തിട്ടുണ്ട്. വിഗ്രഹം ഗര്‍ഭഗൃഹത്തിലേക്ക് മാറ്റിയ ശേഷവും ഞാന്‍ അവിടെ 10-12 മണിക്കൂര്‍ ചെറിയ ചില ജോലികള്‍ ചെയ്തു. എന്നാല്‍ പ്രാണ പ്രതിഷ്ഠയ്‌ക്ക് ശേഷം ഞാന്‍ വിഗ്രഹത്തില്‍ കണ്ടത് ഒരു മാറ്റമാണ്. അത് തികച്ചും വ്യത്യസ്തമായി കാണപ്പെട്ടു. അപ്പോഴാണ് ഞാന്‍ ഇതിന് ഒരു ഉപകരണം മാത്രമായിരുന്നുവെന്ന് തോന്നിയതെന്നും അരുണ്‍ പറഞ്ഞു.