തമിഴ്നാട് ഗവർണറുടെ പരിപാടിയിൽ പങ്കെടുക്കാത്ത വിദ്യാർഥികളെ പരീക്ഷയെഴുതാൻ അനുവദിക്കില്ലെന്ന് പ്രിൻസിപ്പൽ

ബി.ജെ.പി. നേതാവ് കാർത്തികേയന്റെ ഉടമസ്ഥതയിലുള്ള സ്ഥാപനമാണ് കാർത്തികേയൻ കോളേജ് ഓഫ് നഴ്‌സിങ്. ഇവിടെ കഴിഞ്ഞദിവസംനടന്ന ചടങ്ങിൽ ഗവർണർ പങ്കെടുക്കുന്നതിനാൽ രാവിലെ 6.30-ന് വിദ്യാർഥികളെത്തണമെന്ന് പ്രിൻസിപ്പൽ നിർദേശം നൽകിയിരുന്നു. പങ്കെടുക്കാതിരുന്നാൽ ഗുരുതരമായ പ്രത്യാഘാതം നേരിടേണ്ടിവരുമെന്നും മുന്നറിയിപ്പ് നൽകി. എന്നാൽ വിദ്യാർഥികളിൽ മിക്കവരും പങ്കെടുത്തില്ല. തുടർന്നാണ് പരീക്ഷയെഴുതാൻ അനുവദിക്കില്ലെന്ന ഭീഷണി മുഴക്കിയത്.