പുണെയിൽ ഐ.ടി. ജീവനക്കാരിയെ സുഹൃത്ത് വെടിവെച്ചുകൊന്നു

യുവതിയെ കൊലപ്പെടുത്തിയ ഉത്തർപ്രദേശ് സ്വദേശിയായ ഋഷബ് നിഗമിനെ മുംബൈയിൽനിന്ന് പോലീസ് പിടികൂടി. ഋഷബും ഐ.ടി. ജീവനക്കാരിയും തമ്മിൽ പ്രണയത്തിലായിരുന്നുവെന്നാണ് പ്രാഥമിക വിവരം. ഉത്തർപ്രദേശിൽനിന്ന് കഴിഞ്ഞദിവസം ഇവിടെവന്ന പ്രതി ഹിഞ്ചവാഡിയിലെ ലോഡ്ജിൽ താമസിക്കുകയായിരുന്നു. ഐ.ടി. ജീവനക്കാരിയെ ലോഡ്ജിലേക്ക് വിളിച്ചുവരുത്തി വെടിവെച്ച് കൊന്നശേഷം ഋഷബ് ഓടി രക്ഷപ്പെടുകയായിരുന്നുവെന്ന് ഡെപ്യൂട്ടി പോലീസ് കമ്മിഷണർ ബാപ്പു ബംഗാർ പറഞ്ഞു.