ആരോഗ്യ ഇൻഷുറൻസ് പരിരക്ഷയുള്ളവർക്ക് ആശുപത്രികളിൽ പണരഹിത ചികിത്സാ സംവിധാനം വരുന്നു

ഇൻഷുറൻസ് കമ്പനി ഏതെന്നു നോക്കാതെ ആരോഗ്യ ഇൻഷുറൻസ് പരിരക്ഷയുള്ളവർക്ക് ആശുപത്രികളിൽ പണരഹിത (കാഷ്‌ലെസ്) ചികിത്സാ സംവിധാനം വരുന്നു. ജനറൽ ഇൻഷുറൻസ് കമ്പനികളെ പ്രതിനിധാനം ചെയ്യുന്ന ജനറൽ ഇൻഷുറൻസ് കൗൺസിലിന്റെ നേതൃത്വത്തിൽ നടപ്പാക്കുന്ന ‘കാഷ്‌ലെസ് എവരിവേർ’എന്ന പദ്ധതിയുടെ ഭാഗമായാണിത്. ഇതനുസരിച്ച് ഇൻഷുറൻസ് കമ്പനികളുമായി മുൻധാരണയില്ലാത്ത ആശുപത്രികളിലും ആരോഗ്യ ഇൻഷുറൻസുള്ളവർക്ക് പണരഹിത ചികിത്സ ലഭ്യമാകും. പദ്ധതി പ്രാബല്യത്തിലായതായും രാജ്യത്തെ 40,000 ആശുപത്രികളിൽ സൗകര്യം ലഭ്യമാകുമെന്നും ജനറൽ ഇൻഷുറൻസ് കൗൺസിൽ ചെയർമാനും ബജാജ് അലയൻസ് ജനറൽ ഇൻഷുറൻസ് സി.ഇ.ഒ.യുമായ തപൻ സിംഘേൽ അറിയിച്ചു.