ഉത്തർപ്രദേശിൽ മുൻവൈരാ​ഗ്യത്തിന്റെ പേരിൽ പതിനാറുകാരനെ സഹപാഠികൾ വിവസ്ത്രനാക്കി മർദിച്ചു

ഉത്തർപ്രദേശിൽ മുൻവൈരാ​ഗ്യത്തിന്റെ പേരിൽ പതിനാറുകാരനെ സഹപാഠികൾ വിവസ്ത്രനാക്കി മർദിച്ചു. വിദ്യാർഥിയെ മർദിക്കുന്നതിന്റെ ദൃശ്യങ്ങളും സംഘം പകർത്തിയിരുന്നു. സംഭവത്തിൽ 20കാരനായ രാമു സെൻ എന്നയാളെ പൊലീസ് അറസ്റ്റ് ചെയ്തിട്ടുണ്ട്. പ്രായപൂർത്തിയാകാത്ത മറ്റുള്ളവർക്കായുള്ള അന്വേഷണം തുടരുകയാണ്.

തിങ്കളാഴ്ചയായിരുന്നു കേസിനാസ്പദമായ സംഭവം. വിദ്യാർഥിയെ സഹപാഠികൾ ചേർന്ന് കാറിൽ കയറ്റിയ ശേഷം ഝാൻസിയിലെ കാട്ടിലെത്തിച്ച ശേഷം വിവസ്ത്രനാക്കി ആക്രമിക്കുകയായിരുന്നുവെന്നാണ് റിപ്പോർട്ട്. കുട്ടിയെ മർദിക്കുന്നതിൻ്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.