വാട്സാപ്പിലൂടെ സൈബർ കുറ്റകൃത്യങ്ങളിലേക്കും സാമ്പത്തികത്തട്ടിപ്പുകളിലേക്കും നയിക്കുന്ന നിയമവിരുദ്ധ പ്രവർത്തനങ്ങൾ കൂടിയതായി മുന്നറിയിപ്പ്

വാട്‌സാപ്പിലേക്ക് അനധികൃതമായി പ്രവേശിച്ച് ബന്ധപ്പെട്ടയാളുടെ ഫോണിൽനിന്ന് മറ്റുള്ളവർക്ക് പണമഭ്യർഥിച്ചുള്ള സന്ദേശം അയക്കുകയാണ് ഒരു രീതി. ചില നമ്പറുകളിലേക്ക് സ്ത്രീകളെ ഉപയോഗിച്ച് നഗ്നവീഡിയോ കോളുകൾ വിളിച്ച് പിന്നീട് സ്‌ക്രീൻ ഷോട്ടുകൾ കാട്ടി ഭീഷണിപ്പെടുത്തി പണംതട്ടുന്നു. സ്‌ക്രീൻ ഷെയർ സംവിധാനം ഉപയോഗിച്ചും വ്യാപകമായരീതിയിൽ തട്ടിപ്പുണ്ട്. വിയറ്റ്നാം, കെനിയ, എത്യോപ്യ, മലേഷ്യ എന്നീ രാജ്യങ്ങളിലെ കോഡുള്ള നമ്പറുകളിൽനിന്ന് മിസ്ഡ് കോളുകൾ വഴി ഹാക്കർമാർ സജീവ വാട്‌സാപ്പ് ഉപയോക്താക്കളെ ലക്ഷ്യംവെക്കുകയാണെന്ന് ബി.പി.ആർ.ഡി. അറിയിച്ചു.