പ്രായപൂർത്തിയാകാത്ത പെൺകുട്ടിയെ കുത്തിക്കൊലപ്പെടുത്താൻ ശ്രമിച്ചതിന് പിന്നാലെ സഹപാഠി ജീവനൊടുക്കി

പ്രായപൂർത്തിയാകാത്ത പെൺകുട്ടിയെ കുത്തിക്കൊലപ്പെടുത്താൻ ശ്രമിച്ചതിന് പിന്നാലെ സഹപാഠി ജീവനൊടുക്കി. ഹൈദരാബാദിലെ അമ്പാർപ്പേട്ട് പൊലീസ് സ്റ്റേഷൻ പരിധിയിൽ വ്യാഴാഴ്ചയായിരുന്നു സംഭവം. പെൺകുട്ടിയെ പ്രതി ശല്യം ചെയ്യാറുണ്ടായിരുന്നുവെന്നും പ്രണയാഭ്യർത്ഥന നിരസിച്ചതാണ് ആക്രമണത്തിലേക്ക് നയിച്ചതെന്നുമാണ് റിപ്പോർട്ട്.

വ്യാഴാഴ്ച രാത്രി ഏഴ് മണിയോടെ പെൺകുട്ടിയുടെ വീട്ടിൽ അതിക്രമിച്ച് കയറിയ പതിനേഴുകാരനും പെൺകുട്ടിയും തമ്മിൽ വാക്കുതർക്കമുണ്ടായിരുന്നു. ഇതിനിടെ അടുക്കളയിൽ നിന്നും കത്തിയെടുത്ത പ്രതി കുട്ടിയെ കുത്തിപ്പരിക്കേൽപ്പിക്കുകയായിരുന്നു. സംഭവത്തിനിടെ പ്രതിയെ തടുക്കാനെത്തിയ ബന്ധുവായ മറ്റൊരു പെൺകുട്ടിക്കും ആക്രമണത്തിൽ പരിക്കേറ്റിട്ടുണ്ട്.ിരുവരുടെയും ആരോ​ഗ്യനില തൃപ്തികരമാണ്.