ഭർത്താവിന്റെ ശമ്പളം അറിയാൻ ഭാര്യക്ക്‌ അവകാശമുണ്ടെന്ന് മദ്രാസ് ഹൈക്കോടതി

ഭർത്താവുമായി പിണങ്ങിക്കഴിയുന്ന ഭാര്യ വിവാഹമോചനത്തിന് അപേക്ഷ നൽകിയിരുന്നു. ചെലവിന് ലഭിക്കേണ്ട തുക എത്രയെന്ന് തീരുമാനിക്കാൻവേണ്ടിയാണ് ശമ്പളം എത്രയെന്ന് ആരാഞ്ഞത്. വിവരാവകാശ നിയമപ്രകാരം നൽകിയ അപേക്ഷയിൽ സംസ്ഥാന വിവരാവകാശ കമ്മിഷൻ അനുകൂലവിധി പുറപ്പെടുവിച്ചു. എന്നാൽ, ഭർത്താവിന്റെ എതിർപ്പുകാരണം തൊഴിലുടമ വിവരം നൽകിയില്ല. ശമ്പളവിവരം നൽകണമെന്ന ഉത്തരവിനെതിരേ ഭർത്താവ് ഹൈക്കോടതിയെ സമീപിച്ചു.