അവൻ ഇനി രുദ്രന്‍; വയനാട്ടിലെ നരഭോജി കടുവയ്ക്ക് പേരിട്ടു

ഒല്ലൂര്‍: വയനാട്ടില്‍ നിന്നും പുത്തൂര്‍ സുവോളജിക്കല്‍ പാര്‍ക്കിലെത്തിച്ച കടുവയ്ക്ക് പേര് നൽകി. രുദ്രന്‍ എന്നാണ് യുവകര്‍ഷകന്‍ പ്രജീഷിന്റെ ജീവനെടുത്ത കടുവയ്ക്ക് ഇട്ടിരിക്കുന്ന പേര്. കടുവയുടെ ആരോഗ്യനിലയില്‍ നേരിയ പുരോഗതി ഉണ്ടെന്നും അടുത്ത രണ്ടാഴ്ച്ചക്കാലം നിര്‍ണ്ണായകമാണെന്നും ചികിത്സിക്കുന്ന ഡോക്ടര്‍ വ്യക്തമാക്കി.ഇപ്പോള്‍ പൂര്‍ണ്ണ വിശ്രമത്തിലാണ് കടുവ. കടുവയെ പരിചരിക്കാന്‍ പ്രത്യേക സംഘത്തെ നിയോഗിച്ചിട്ടുണ്ട്. മുഖത്തെ ശസ്ത്രക്രിയ പൂർത്തിയായി. മരുന്നും മറ്റും നല്‍കേണ്ടതിനാല്‍ ഒരാഴ്ച്ച പ്രത്യേക കൂട്ടില്‍ തന്നെയാണ് പാര്‍പ്പിക്കുക.