ഷൈൻ ടോം ചാക്കോയുടെ പിതാവ് സി.പി ചാക്കോയുടെ സംസ്കാരം തിങ്കളാഴ്ച

തൃശ്ശൂർ: ചലച്ചിത്രനടൻ ഷൈൻ ടോം ചാക്കോയുടെ പിതാവ് സി.പി ചാക്കോയുടെ സംസ്‌കാരം തിങ്കളാഴ്ച നടക്കും. രാവിലെ മുണ്ടൂർ പരികർമ്മല മാതാ പള്ളിയിലായിരിക്കും സംസ്കാരച്ചടങ്ങുകൾ നടക്കുക. മുണ്ടൂരിലെ വീട്ടിൽ ഞായറാഴ്ച വൈകിട്ട് 4 മുതൽ പൊതുദർശനമുണ്ടാകും.

വെള്ളിയാഴ്ച രാവിലെ ആറോടെ ആയിരുന്നു ഷൈൻ ടോം ചാക്കോയും കുടുംബവും സഞ്ചരിച്ച കാർ അപകടത്തിൽപ്പെട്ടത്. ഷൈൻ ടോം ചാക്കോയ്ക്കും അമ്മ മരിയ കാർമലിനും സഹോദരൻ ജോ ജോൺ ചാക്കോയ്ക്കും പരിക്കേറ്റിരുന്നു.