കാർകീവ് നഗരത്തിനുനേരെ റഷ്യ നടത്തിയ ഡ്രോൺ ആക്രമണത്തിൽ മൂന്ന് മരണം

കാർകീവ് നഗരത്തിനുനേരെ റഷ്യ നടത്തിയ ഡ്രോൺ ആക്രമണത്തിൽ മൂന്ന് മരണം റിപ്പോർട്ടു ചെയ്തു. 21 പേർക്ക് പരിക്കേറ്റു. 5 ഏരിയൽ ഗ്ലൈഡ് ബോംബുകൾ, 48 ഡ്രോണുകൾ തുടങ്ങിയവ ഉപയോഗിച്ചാണ് നഗരത്തിനുമേൽ ആക്രമണം നടത്തിയതെന്ന് കാർകീവിന്റെ പ്രാദേശിക ഭരണാധികാരി പറഞ്ഞു. പരിക്കേറ്റവരിൽ 14 വയസ്സുകാരിയും ഒരു ആൺ കുഞ്ഞുമുൾപ്പെടുന്നു.

അതേസമയം അർധ രാത്രിയിൽ റഷ്യ യുക്രെയ്നിൻറെ 36 ഡ്രോണുകൾ വെടിവെച്ചിട്ടുവെന്ന് റഷ്യൻ മന്ത്രാലയം പറഞ്ഞു. ഡ്രോൺ അവശിഷ്ടങ്ങൾ വീണ് രണ്ട് പേർക്ക് പരിക്കേറ്റെന്നും അറിയിച്ചു.