ഇപ്പോൾ ആദ്യത്തെ ക്രഷിനോടൊപ്പം ലിവ് ഇൻ റിലേഷനിൽ’: അഞ്ജു അരവിന്ദ്

മലയാളികൾക്ക് സുപരിചിതമായ നടിയാണ് അഞ്ജു അരവിന്ദ്. സീരിയലുകളിലൂടെയും സിനിമകളിലൂടെയും പ്രേക്ഷകരുടെ മനസ്സിൽ അഞ്ചു അരവിന്ദിനെന്നും ഒരു നല്ല സ്ഥാനമാണുള്ളത്. സിബി മലയിൽ സംവിധാനം ചെയ്ത അക്ഷരം എന്ന ചിത്രത്തിലൂടെയാണ് മലയാളത്തിൽ അഞ്ജു അരങ്ങേറ്റം കുറിച്ചത്. പിന്നീട് തമിഴ്, തെലുങ്ക്, കന്നഡ സീരിയലുകളിലും സജീവമായി. ഇപ്പോളിതാ അവൾ വികടൻ എന്ന തമിഴ് യൂട്യൂബ് ചാനലിനോട് തന്റെ സ്വകാര്യ ജീവിതത്തെക്കുറിച്ചും കരിയറിനെക്കുറിച്ചുമൊക്കെ മനസു തുറക്കുകയാണ് അഞ്ജു.

”ആദ്യവിവാഹം ഡിവോഴ്സായിരുന്നു. സെക്കന്റ് മാര്യേജ് ചെയ്ത ഭർത്താവ് മരിച്ചു. അതിന് ശേഷം ഞാനിപ്പോൾ ലിവ് ഇൻ റിലേഷൻഷിപ്പിലാണ്. സഞ്ജയ് അമ്പലപ്പറമ്പത്ത് എന്നാണ് പേര്. ഹാപ്പിയായിരിക്കുന്നു. അ‍ഞ്ചു വർഷമായി ഞങ്ങൾ ഒരുമിച്ച് ജീവിക്കുകയാണ്. ബാംഗ്ലൂരിൽ എനിക്ക് ഡാൻസ് ടീച്ചറെന്ന ഐഡന്റിറ്റി തന്നത് അദ്ദേഹമാണ്”. അഞ്ചു പറയുന്നു.

”എനിക്ക് എട്ടാം ക്ലാസിൽ വെച്ചുണ്ടായ ആദ്യ ക്രഷ് ആണ് സഞ്ജയ്. ഞങ്ങളുടെ കഥ വേണമെങ്കിൽ ഒരു സിനിമയായി എടുക്കാം. ഞങ്ങൾ ഒരുമിച്ച് കണ്ട 96 എന്ന സിനിമ വളരെ ഇഷ്ടമാണ്. ആ സിനിമ കണ്ടപ്പോൾ സ്കൂളിലെ ദിനങ്ങൾ ഓർമ വന്നു. ഞാൻ അദ്ദേഹത്തെആദ്യമായി കണ്ടത് ഡാൻസ് ക്ലാസിൽ വെച്ചാണ്. അക്കാലത്ത് മൊബെെൽ ഫോൺ ഇല്ല. പിന്നെ ഞങ്ങൾ രണ്ട് വഴിക്കായി. അവസാനം ഒന്നിച്ചു”, അഞ്ജു പറഞ്ഞു.

”സഞ്ജയ് ഡാൻസറാണ്. ഐടി മേഖലയിൽ ആയിരുന്നു ജോലി ചെയ്തിരുന്നത്. ഇപ്പോൾ എഴുത്തും സോഷ്യൽ വർക്കുമൊക്കെയായി മുന്നോട്ടു പോകുന്നു. ബാംഗ്ലൂരിലുള്ള എന്റെ ഡാൻസ് അക്കാദമിക്ക് പേര് നൽകിയത് അദ്ദേഹമാണ്. അഞ്ജു അരവിന്ദ് അക്കാദമി ഓഫ് ഡാൻസ് എന്നാണ് പേര്”, താരം കൂട്ടിച്ചേർത്തു.