സംസ്ഥാന സ്കൂൾ പ്രവേശനോത്സവം: സംഘാടക സമിതി ഓഫീസ് ഉദ്ഘാടനം ചെയ്തു

സംസ്ഥാന സ്കൂൾ പ്രവേശനോത്സവം സംഘാടക സമിതി ഓഫീസ് പി പി ചിത്തരഞ്ജൻ എം എൽ എ ഉദ്ഘാടനം ചെയ്തു. കലവൂർ ഗവ. ഹയർ സെക്കൻ്ററി സ്കൂളിൽ നടന്ന സംഘാടക സമിതി ഓഫീസ് ഉദ്ഘാടന ചടങ്ങിൽ ജില്ലാപഞ്ചായത്ത് പ്രസിഡൻ്റ് കെ.ജി രാജേശ്വരി, ജില്ലാപഞ്ചായത്ത് അംഗം അഡ്വആർ.റിയാസ്, ഗ്രാമ പഞ്ചായത്ത് പ്രസിഡൻ്റ് റ്റി.വിഅജിത്ത് കുമാർ, വൈസ് പ്രസിഡൻ്റ് പി എ ജുമൈലത്ത് ,സ്റ്റാൻ്റിംഗ് കമ്മിറ്റി ചെയർമാൻ കെ പി ഉല്ലാസ്സ് ,ബ്ലോക്ക് പഞ്ചായത്ത് അംഗം തിലകമ്മ വാസുദേവ്, ഡിഡിഇ ഇ എസ്

ശ്രീലത, ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.
പ്രവേശനോത്സവത്തോട് അനുബന്ധിച്ച് സംഘാടക സമിതിയുടെയും ജില്ലാ പഞ്ചായത്തിൻ്റെ ആർട്ട് അക്കാദമിയുടെയും നേതൃത്വത്തിൽ സംഘടിപ്പിക്കുന്ന സ്ട്രീറ്റ് ആർട്ട് ഇന്ന് ശനിയാഴ്ച്ച കൃഷി വകുപ്പ് മന്ത്രി പി.പ്രസാദ് കലവൂർ ഗവ. ഹയർസെക്കൻ്ററി സ്കൂളിൽ ഉദ്ഘാടനം ചെയ്യും.