പിഎസ്എൽവി സി 61ന്റെ വിക്ഷേപണത്തിന് ഒരുങ്ങി ഐഎസ്ആർഒ

4 hours ago

പിഎസ്എൽവി സി 61ന്റെ വിക്ഷേപണത്തിന് ഒരുങ്ങി ഐഎസ്ആർഒ. നൂറ്റിയൊന്നാം ബഹിരാകാശ വിക്ഷേപണത്തിനാണ് ഐഎസ്ആർഒയുടെ ഒരുങ്ങുന്നത്. EOS 09 ഉപഗ്രഹത്തെ ഭ്രമണപഥത്തിൽ എത്തിക്കുക ലക്ഷ്യം. വിക്ഷേപണം നാളെ രാവിലെ 5.59ന് സതീഷ് ധവാൻ സ്പേസ് സെന്ററിലെ ഒന്നാം വിക്ഷേപണത്തറയിൽ നിന്നാണ് വിക്ഷേപണം. വിക്ഷേപണം നടന്ന് 17 മിനിറ്റിനുള്ളിൽ ഉപഗ്രഹമായ ഇഒഎസ് – 09നെ ഭ്രമണപഥത്തിലെത്തിക്കാൻ സാധിക്കുമെന്ന് അധികൃതർ അറിയിച്ചു.

പോളാർ സാറ്റലൈറ്റ് ലോഞ്ച് വെഹിക്കിളിന്റെ (പിഎസ്എൽവി) 63-ാമത്തെ വിക്ഷേപണം കൂടിയാണ് നാളെ നടക്കാനിരിക്കുന്നത്. പി‌എസ്‌എൽ‌വി-സി 61 ഉപയോഗിച്ചുള്ള ഈ 101-ാമത് ദൗത്യം ഐഎസ്ആർഒയുടെ ഒരു പ്രധാന നാഴികക്കല്ലായി മാറുമെന്ന് ഐഎസ്ആർഒ ചെയർമാൻ വി നാരായണൻ പറഞ്ഞു. ഈ ദൗത്യം ഭൗമ നിരീക്ഷണ ഉപഗ്രഹത്തെ സൂര്യനുമായി സ്ഥിരമായ വിന്യാസം നിലനിർത്തുന്ന ഒരു സവിശേഷ തരം ധ്രുവ ഭ്രമണപഥമായ സൂര്യ-സമന്വയ ധ്രുവ ഭ്രമണപഥത്തിൽ (SSPO) സ്ഥാപിക്കും. 5 വർഷമാണ് ഇ‌ഒ‌എസ്-09ന്റെ ആയുസ് പ്രതീക്ഷിക്കുന്നത്.