‘ഒഡെല 2’;ഒടിടിയിൽ റെക്കോർഡ് നേട്ടവുമായി തമന്നയുടെ ചിത്രം

തമന്നയെ കേന്ദ്ര കഥാപാത്രമായി എത്തിയ ചിത്രമാണ് ‘ഒഡെല 2’. ചിത്രത്തിൻ്റെ സംവിധാനം നിർവഹിച്ചത് അശോക് തേജ ആണ്. ഒരു സൂപ്പർ നാച്ചുറൽ ഫാന്റസി ചിത്രമായി ഒരുങ്ങിയ സിനിമ മോശം പ്രതികരണങ്ങളാണ് നേടിയത്. ബോക്സ് ഓഫീസിലും സിനിമയ്ക്ക് കാര്യമായ നേട്ടമുണ്ടാക്കാനായില്ല.

ചിത്രത്തിനായി തിരക്കഥയൊരുക്കിയത് സമ്പത്ത് നന്ദിയാണ്. ചിത്രം കഴിഞ്ഞ ദിവസമാണ് ഒടിടിയിൽ എത്തിയത്. ഇപ്പോഴിതാ മികച്ച പ്രതികരണമാണ് ചിത്രത്തിന് ഒടിടിയിൽ നിന്ന് ലഭിക്കുന്നതെന്നാണ് പുറത്ത് വരുന്ന വിവരം. സിനിമ ആമസോൺ പ്രൈമിലൂടെയാണ് പുറത്തിറങ്ങിയത്. കഴിഞ്ഞ ഒൻപത് ദിവസമായി ചിത്രം ട്രെൻഡിങ്ങിൽ ഒന്നാം സ്ഥാനത്താണ്. ചിത്രം നാല് ദിവസത്തിനുള്ളിൽ 100 ​​ദശലക്ഷം സ്ട്രീമിംഗ് മിനിറ്റ് നേടിയതായി റിപ്പോർട്ടുകൾ ഉണ്ട്.