ഒഡിഷയിൽ മിന്നലേറ്റ് 9 പേർ കൊല്ലപ്പെട്ടു

കനത്ത മഴയ്‌ക്കിടെ ഉണ്ടായ മിന്നലേറ്റ് 9 പേർ കൊല്ലപ്പെട്ടു. ഒഡിഷയിലാണ് സംഭവം. ആറ് സ്ത്രീകളും രണ്ട് കുട്ടികളും അടക്കമാണ് 9 പേർ കൊല്ലപ്പെട്ടത്. ഇന്നലെ ഒഡിഷയിലെ വിവിധ ജില്ലകളിൽ കനത്ത മഴ അനുഭവപ്പെട്ടിരുന്നു. ഇതിനിടയിലാണ് സംഭവം.കോരപുട്ട് ജില്ലയിലെ ഒരു കുടുംബത്തിലെ മൂന്ന് സ്ത്രീകളാണ് മിന്നലേറ്റ് മരിച്ചത്. വയലിൽ ജോലി ചെയ്യുന്നതിനിടെ കനത്ത മഴയി പെയ്തപ്പോൾ സമീപത്ത് തയ്യാറാക്കിയ താൽക്കാലിക ഷെഡിൽ ഇവർ അഭയം തേടി. അപ്പോഴാണ് മിന്നലേറ്റത്. മൂന്നു പേരും തൽക്ഷണം മരിച്ചു.