ബോച്ചെ തൗസന്റ് ഏക്കറില്‍ വൻ തീപ്പിടിത്തം ; റസ്റ്ററന്റും കള്ളുഷാപ്പും കത്തി

കല്‍പ്പറ്റ: വയനാട് മേപ്പാടിയില്‍ ബോബി ചെമ്മണ്ണൂരിന്റെ ഉടമസ്ഥതയിലുള്ള ബോച്ചെ തൗസന്റ് ഏക്കറില്‍ വൻ തീപ്പിടിത്തം. ഫാക്ടറിക്ക് സമീപം സ്ഥിതി ചെയ്ത റസ്റ്റൊറൻ്റും കള്ള് ഷാപ്പും പ്രവർത്തിക്കുന്ന ഭാ​ഗത്തായിരുന്നു തീപ്പിടിത്തം ഉണ്ടായത്. അപകടത്തിൽ ഹട്ടുകൾ എല്ലാം പൂർണമായി കത്തിനശിച്ചു. ​

ഗ്യാസ് സിലിണ്ടർ പൊട്ടിതെറിച്ചതാണ് അപകടകാരണമെന്നാണ് പ്രാഥമിക നി​ഗമനം.
ഇന്നലെ ഉച്ചയ്ക്ക് ശേഷമാണ് തീപ്പിടുത്തം ഉണ്ടായത്. ഹട്ടുകളിലേക്ക് ഉൾപ്പടെ തീപടർന്നെങ്കിലും ഭക്ഷണം കഴിച്ചുകൊണ്ടിരുന്നവർ ഇറങ്ങിയോടിയതിനാൽ വലിയ അപകടമാണ് ഒഴിവായത്. പിന്നാലെ അ​ഗ്നിശമനാ സേനയെത്തി തീ പൂർണമായി അണച്ചു.