കണ്ണൂരിൽ നിന്ന് മസ്‌കത്തിലേക്ക് ഇൻഡിഗോ നേരിട്ടുള്ള വിമാന സർവീസുകൾ ആരംഭിച്ചു

കണ്ണൂർ അന്താരാഷ്ട്ര വിമാനത്താവളത്തിനും മസ്‌കത്ത് അന്താരാഷ്ട്ര വിമാനത്താവളത്തിനും ഇടയിൽ നേരിട്ടുള്ള വിമാന സർവീസുകൾ ആരംഭിച്ച് ഇൻഡിഗോ. ലോ കോസ്റ്റ് വിമാനക്കമ്പനിയായ ഇൻഡിഗോയുടെ പുതിയ അന്താരാഷ്ട്ര റൂട്ടിനെ ഒമാൻ വിമാനത്താവളങ്ങൾ ഔദ്യോഗികമായി സ്വാഗതം ചെയ്തു.

ഈ ആഴ്ച ആരംഭിച്ച പുതിയ റൂട്ടിൽ ആഴ്ചതോറും മൂന്ന് വിമാന സർവീസുകളാണുണ്ടാകുക. ഇത് യാത്രക്കാർക്ക് കൂടുതൽ സൗകര്യം നൽകുകയും ഒമാനും കേരളവും തമ്മിലുള്ള വ്യോമ ബന്ധം മെച്ചപ്പെടുത്തുകയും ചെയ്യുമെന്നാണ് നിരീക്ഷിക്കപ്പെടുന്നത്. പരമ്പരാഗത വാട്ടർ സല്യൂട്ട് നൽകി ഒമാൻ വിമാനത്താവളങ്ങൾ ഇൻഡിഗോയുടെ പുതിയ റൂട്ടിനെ സ്വാഗതം ചെയ്തു.