ലോക്‌സഭാ തിരഞ്ഞെടുപ്പിന് മുമ്പായി ബി.ജെ.പി. കാണിക്കുന്ന ചെപ്പടിവിദ്യയാണ് രാമക്ഷേത്ര ഉദ്ഘാടനമെന്ന് മമതാ ബാനർജി

‘‘രാമക്ഷേത്ര ഉദ്ഘാടനത്തെപ്പറ്റി എന്താണ് അഭിപ്രായമെന്ന് എന്നോട് ഇന്നലെയും ചോദ്യമുണ്ടായി. ഇതിന് മറുപടിപറയൽ മാത്രമാണോ എന്റെ പണി ? കോടതി നിർദേശിച്ച പ്രകാരമാണല്ലോ കാര്യങ്ങൾ നടക്കുന്നത്. നടക്കട്ടെ, ആർക്കാണ് എതിർപ്പ് ? പക്ഷേ, മറ്റു സമുദായക്കാർക്കെതിരേ വിദ്വേഷം ഇളക്കിവിടാനുള്ള അവസരമാക്കി ഇത് മാറ്റരുത്. ഏതു മതക്കാരുടെ ഉത്സവമായാലും ആഘോഷം എല്ലാവരുടേതുമാകണം. മനുഷ്യരെ ഒരുമിപ്പിക്കുന്ന, ഐക്യത്തിന്റെ സന്ദേശം നൽകുന്ന ഉത്സവങ്ങളിൽമാത്രമേ എനിക്ക് വിശ്വാസമുള്ളൂ’’ -മമത പറഞ്ഞു.