കുടുംബശ്രീ സംരംഭം കൊല്ലത്തിന്റെ മീന്‍രുചിയുമായി പ്രിമിയം കഫെ

കൊല്ലം : കൊല്ലത്തിന്റെ രുചിയെന്ന് പേരുകേട്ട മീന്‍വിഭവങ്ങള്‍ പ്രിമിയം സൗകര്യങ്ങളോടെ കുറഞ്ഞവിലയ്ക്ക് കിട്ടുന്ന പ്രിമിയം കഫെ പ•ന ഗ്രാമപഞ്ചായത്തിലേക്കുമെത്തി. കുടുംബശ്രീ ശൃംഖലയുടെ ഭാഗമായി തുടങ്ങിയ ജില്ലയിലെ ആദ്യസംരംഭം ധനകാര്യ വകുപ്പ് മന്ത്രി കെ. എന്‍. ബാലഗോപാല്‍ നാടിന് സമര്‍പിച്ചു.

ഫുഡ്‌സ്‌പോട്ടായി മേഖലയെ മാറ്റിയെടുക്കാന്‍ സഹായകമായ സംരംഭമാണിത്. മീന്‍വിഭവങ്ങള്‍ക്ക് പ്രാമുഖ്യം നല്‍കുന്നത് പൊതുവെസ്വീകാര്യവുമാണ്. 80 പേര്‍ക്ക് തൊഴില്‍കൂടി ലഭ്യമാക്കുന്നതിന് സംരംഭം വഴിയൊരുക്കി, അത്രതന്നെയാളുകള്‍ക്ക് ഭക്ഷണം കഴിക്കാനുള്ള സൗകര്യവുമുണ്ടെന്ന് മന്ത്രി പറഞ്ഞു.
വെജ്-നോണ്‍വെജ് സദ്യ, ബിരിയാണി, അറേബ്യന്‍-ചൈനീസ് വിഭവങ്ങളും ഫാസ്റ്റ് ഫുഡും പ്രീമിയം കഫെയിലുണ്ട്. അഷ്ടമുടി പ്രാച്ചിക്കറി, കണമ്പ് മപ്പാസ്, കല്ലുമ്മക്കായ മപ്പാസ്, അഷ്ടമുടി കരിമീന്‍ പൊള്ളിച്ചത്, ചിപ്പി റോസ്റ്റ്, കണവ 23, ചെമ്മീന്‍ മല്‍ഹാര്‍, നാലു തരം മീനും കൊഞ്ചും ഞണ്ടും ഉള്‍പെടുന്ന കഫെ സ്പെഷ്യലായ ദേശിംഗനാട് മീന്‍ സദ്യ എന്നിവയാണ് പ്രീമിയം കഫേ പ്രത്യേകമായി തയ്യാറാക്കുന്നത്.