ലോജിക്കില്ലാത്ത കളി; പന്തിന്റെ കളിയിൽ വിമർശനവുമായി വിരേന്ദര്‍ സെവാഗ്

ഐപിഎല്‍ 2025 സീസണില്‍ മോശം ഫോമില്‍ തുടരുന്ന ലഖ്നൗ സൂപ്പര്‍ ജയന്റ്സ് ക്യാപ്റ്റന്‍ റിഷഭ് പന്തിന് ഉപദേശവുമായി ഇന്ത്യന്‍ ഇതിഹാസം വിരേന്ദര്‍ സെവാഗ്. പന്ത് ഇപ്പോള്‍ കളിക്കുന്നത് തീര്‍ത്തും ലോജിക്കില്ലാതെയാണ്. റിഷഭ് പന്ത് താന്‍ ഫോമിലുണ്ടായ സമയത്തെ പഴയ വീഡിയോകള്‍ സ്വയം എടുത്ത് കാണണമെന്നും അതിലെ വ്യത്യാസങ്ങള്‍ മനസ്സിലാക്കി തിരിച്ചുവരാന്‍ ശ്രമിക്കണമെന്നും സെവാഗ് പറഞ്ഞു.

‘പന്ത് ഇപ്പോള്‍ കളിക്കുന്നത് തീര്‍ത്തും ലോജിക്കില്ലാതെയാണ്. പല യുവതാരങ്ങളും സീസണില്‍ പ്രതീക്ഷിച്ചതിനും മേലെ പ്രകടനം കാഴ്ച്ച വെക്കുമ്പോള്‍ മോശം ഷോട്ടുകള്‍ക്ക് ശ്രമിച്ചാണ് പന്ത് പുറത്താകുന്നത്. പഴയ അദ്ദേഹത്തിന്റെ പ്രകടനങ്ങള്‍ കാണുന്നത് അദ്ദേഹത്തിന് കാര്യങ്ങള്‍ ബോധ്യപ്പെടാന്‍ സഹായിക്കുമെന്നും’ സെവാഗ് പറഞ്ഞു. വേണമെങ്കില്‍ അദ്ദേഹത്തിന്റെ ആരാധനാപാത്രമായ ധോണിയെ വിളിച്ച് ഇക്കാര്യത്തില്‍ ഒരു മാര്‍ഗ നിര്‍ദേശമെടുക്കാമെന്നും സെവാഗ് പറഞ്ഞു