സിബിഐ ഡയറക്ടറെ നിയമിക്കാന്‍ യോഗം: പ്രധാനമന്ത്രിയുടെ ഓഫീസിലെത്തി രാഹുൽ ഗാന്ധി

ഡല്‍ഹി: പ്രതിപക്ഷ നേതാവ് രാഹുല്‍ ഗാന്ധി പ്രധാനമന്ത്രി നരേന്ദ്രമോദിയുടെ ഓഫീസില്‍. സിബിഐ ഡയറക്ടറെ നിശ്ചയിക്കാനുള്ള യോഗത്തില്‍ പങ്കെടുക്കാനാണ് രാഹുല്‍ ഗാന്ധി പ്രധാനമന്ത്രിയുടെ ഓഫീസിലെത്തിയത്. സുപ്രീം കോടതി ചീഫ് ജസ്റ്റിസും പ്രധാനമന്ത്രിയുടെ ഓഫീസില്‍ എത്തി. നിലവിലെ സിബിഐ ഡയറക്ടര്‍ പ്രവീണ്‍ സൂദിന്റെ കാലാവധി മേയ് 23നാണ് അവസാനിക്കുന്നത്. ചീഫ് ജസ്റ്റിസ്, പ്രതിപക്ഷ നേതാവ്, പ്രധാനമന്ത്രി എന്നിവരടങ്ങുന്ന സംഘമാണ് സിബിഐ ഡയറക്ടറെ നിയമിക്കുക. രണ്ട് വര്‍ഷത്തേക്കാണ് സിബിഐ ഡയറക്ടറുടെ നിയമനം.

ഇന്ത്യ – പാകിസ്ഥാന്‍ സംഘര്‍ഷ സാധ്യതയുടെ പശ്ചാത്തലത്തില്‍ സ്ഥാനങ്ങള്‍ക്ക് മുന്നറിയിപ്പ് നല്‍കി കേന്ദ്ര സര്‍ക്കാര്‍. അടിയന്തിര സാഹചര്യങ്ങള്‍ നേരിടാന്‍ പൊതുജനങ്ങള്‍ക്ക് പരിശീലനം നല്‍കാനും സംസ്ഥാനങ്ങളില്‍ മോക് ട്രില്ലുകള്‍ നടത്താനുമാണ് കേന്ദ്ര ആഭ്യന്തര മന്ത്രാലയം നിര്‍ദേശം നല്‍കിയിരിക്കുന്നത്. മെയ് ഏഴിന് മോക്ഡ്രില്‍ നടത്താന്‍ നിരവധി സംസ്ഥാനങ്ങള്‍ക്ക് നിര്‍ദേശം നല്‍കിയതായി ആഭ്യന്തര മന്ത്രാലയ വൃത്തങ്ങളെ ഉദ്ധരിച്ച് പിടിഐ റിപ്പോര്‍ട്ട് ചെയ്തു.