കുരുമുളക് വില ഇടിയുന്നു; വില നിലവാരം അറിയാം …

കുരുമുളക്‌ വില തുടർച്ചയായ ദിവസങ്ങളിൽ ഇടിയുന്ന പ്രവണത കണ്ട്‌ ഒരു വിഭാഗം ഉൽപാദകർ വിൽപനയിൽ നിന്ന് പിന്തിരിഞ്ഞു. റെക്കോഡ്‌ പ്രകടനം വിപണി കാഴ്‌ചവെച്ച ശേഷം തുടർച്ചയായ വിലത്തകർച്ച മൂലം വാങ്ങലുകാരും പിന്നാക്കം വലിഞ്ഞു.

വ്യവസായികൾ നേരത്തെ ഇറക്കുമതി നടത്തിയ മുളക്‌ വിറ്റുമാറാൻ തിരക്കിട്ട നീക്കം നടത്തിയതും വിലയെ ബാധിച്ചു. കൊളംബോ തുറമുഖം വഴി എത്തിച്ച വിയറ്റ്‌നാം കുരുമുളകാണ്‌ വ്യവസായികളുടെ കരുതൽ ശേഖരത്തിലുള്ളത്‌. കൊച്ചി മാർക്കറ്റിൽ അൺ ഗാർബിൾഡ്‌ കുരുമുളക്‌ വില കിലോ 712 രൂപയിൽ നിന്ന് 695ലേക്ക്‌ ഇടിഞ്ഞു.