പത്തനംതിട്ടയിൽ 75 കിലോഗ്രാം ചന്ദനത്തടികൾ പിടികൂടി

റാന്നി: വില്പനയ്ക്ക് ആയി എത്തിച്ച ചന്ദനത്തടികൾ പിടികൂടി. കരികുളം ഫോറസ്റ്റ് ഉദ്യോഗസ്ഥർ 75 കിലോഗ്രാം ചന്ദനത്തടികൾ പിടികൂടിയത്. സംഭവത്തിൽ നാല് പേരെ ഫോറസ്റ്റ് ഉദ്യോഗസ്ഥർ സാഹസികമായി പിടികൂടി.

ചുങ്കപ്പാറ – കോട്ടങ്ങൾ റോഡ് ജംഗ്ഷനിൽ ആഡംബര വാഹനത്തിലാണ് ചന്ദ്രനത്തടികൾ കൊണ്ടുവന്നത്. റേഞ്ച് ഫോറസ്റ്റ് ഓഫീസർക്ക് ലഭിച്ച രഹസ്യ വിവരത്തെ തുടർന്നായിരുന്നു പരിശോധന. 10 ലക്ഷം രൂപ വിലമതിക്കുന്ന ചന്ദനത്തടികൾ പിടിച്ചെടുത്തത്.

സംഭവത്തിൽ ഇടുക്കി ഉപ്പുതറ സ്വദേശി സുഭാഷ് കുമാർ (29), അയിരൂർ കാഞ്ഞേറ്റുകര സ്വദേശി അനിൽ കുമാർ (49), റാന്നി പഴവങ്ങാടി സ്വദേശി ജോസ് വി ജെ(42), പത്തനംതിട്ട തടിയൂർ സ്വദേശി അനൂപ് ടി എസ് എന്നിവരെ കസ്റ്റഡിയിലെടുത്തത്.