അമിതവേഗത്തിലെത്തിയ കാറിടിച്ച് മൂന്നുവയസ്സുകാരി മരിച്ചു

കണ്ണൂർ : അമ്മൂമ്മയ്‌ക്കൊപ്പം റോഡരികിലൂടെ നടക്കുകയായിരുന്ന മൂന്നുവയസ്സുകാരി അമിതവേഗത്തിലെത്തിയ കാറിടിച്ച് മരിച്ചു. ചമതച്ചാലിലെ അനു-സോയി ദമ്പതിമാരുടെ ഏക മകള്‍ നോറയാണ് മരിച്ചത്.

വ്യാഴാഴ്ച വൈകീട്ട് ആറിന് അമ്മൂമ്മ ഷിജിക്കൊപ്പം തൊട്ടടുത്ത വീട്ടിലേക്ക് നടന്നുപോകുമ്പോഴാണ് അപകടം.ചമതച്ചാല്‍ വളവില്‍ നിന്ന് രണ്ടു വാഹനങ്ങളെ മറികടക്കാന്‍ ശ്രമിക്കുന്നതിനിടെ കാര്‍ കുട്ടിയെയും അമ്മൂമ്മയെയും ഇടിച്ചിടുകയായിരുന്നു.

സ്ഥലത്തെ മൈല്‍ക്കുറ്റിയും ഇടിച്ച് തകര്‍ത്താണ് കാര്‍ നിന്നത്.കാറോടിച്ച അരവഞ്ചാല്‍ സ്വദേശി അമലിനെതിരേ പയ്യാവൂര്‍ പോലീസ് മനപ്പൂര്‍വമല്ലാത്ത നരഹത്യയ്ക്ക് കേസെടുത്തു.