വാക്‌സിന്‍ എടുത്തിട്ടും എഴുവയസുകാരിക്ക് പേവിഷബാധ സ്ഥിരീകരിച്ചു

തിരുവനന്തപുരം: വാക്‌സിന്‍ എടുത്തിട്ടും എഴുവയസുകാരിക്ക് പേവിഷബാധ സ്ഥിരീകരിച്ചു. നിലവില്‍ കുട്ടി തിരുവനന്തപുരം എസ്എടി ആശുപത്രിയില്‍ ചികിത്സയിലാണ്.
കുട്ടിക്ക് ഇനി വാക്‌സിന്റെ അവസാന ഡോസ് മാത്രമേ എടുക്കാന്‍ ബാക്കി ഉണ്ടായിരുന്നുള്ളൂ.കുട്ടിയുടെ സ്ഥിതി ആശങ്കാജനകമാണ് എന്ന് അധികൃതര്‍ വ്യക്തമാക്കി.

കൊല്ലം ജില്ലയില്‍ വിളക്കുടിയിലെ വീട്ടില്‍വെച്ച് ഏപ്രില്‍ എട്ടാംതീയതിയാണ് കുട്ടിക്ക് തെരുവുനായയുടെ കടിയേറ്റത്. കുട്ടിയെ ഉടന്‍തന്നെ വിളക്കുടി പ്രാഥമികാരോഗ്യ കേന്ദ്രത്തില്‍ എത്തിക്കുകയും പേവിഷബാധയ്ക്കുള്ള ഐഡിആര്‍ വാക്‌സിന്‍ ആദ്യ ഡോസ് നല്‍കുകയും ചെയ്തിരുന്നു. കൂടാതെ ആന്റി സെറവും എടുത്തു. എന്നാല്‍ അവസാന ഡോസിനുമുമ്പ് കുട്ടിക്ക് പനി തുടങ്ങി.