സൗദിയിൽ ഊദ്, അകിൽ, ചന്ദനമരങ്ങൾ നട്ടു വളർത്തുന്ന പദ്ധതിക്ക് തുടക്കമായി

റിയാദിൽ ആദ്യമായി ഊദ്, അകിൽ, ചന്ദനമരങ്ങൾ എന്നിവ നട്ടു വളർത്തുന്ന പദ്ധതിക്ക് തുടക്കമായി. റിയാദ് മേഖല ഗവർണർ ഫൈസൽ ബിൻ ബന്ദർ ബിൻ അബ്ദുൽ അസീസ് രാജകുമാരൻ ആദ്യത്തെ ചന്ദനത്തൈ നട്ടുകൊണ്ട് പദ്ധതി ഉദ്ഘാടനം ചെയ്തു.

ഗവർണറേറ്റ് കൊട്ടാരത്തിൽ നടന്ന ചടങ്ങിൽ ജസാൻ പർവത പ്രദേശ വികസന, പുനർനിർമാണ അതോറിറ്റിയുടെ സിഇഒ എൻജിനീയർ ദാഫർ ബിൻ അയേദ് അൽ ഫഹാദും അതോറിറ്റിയിലെ നിരവധി ജീവനക്കാരും പങ്കെടുത്തു. പരിസ്ഥിതി സുസ്ഥിരത വർദ്ധിപ്പിക്കുന്നതിനും സസ്യജാലങ്ങളുടെ ആവരണം വൈവിധ്യവൽക്കരിക്കുന്നതിനുമുള്ള സുപ്രധാന ചുവടുവയ്പാണ് ഈ പദ്ധതിയെന്ന് വിലയിരുത്തപ്പെടുന്നു.