ഷാർജയിൽ വ്യാജ നമ്പർ പ്ലേറ്റ് ഉപയോഗിച്ച് വാഹനമോടിച്ചയാൾ പിടിയിൽ

ഷാർജയിൽ വ്യാജ നമ്പർ പ്ലേറ്റ് ഉപയോഗിച്ച് വാഹനമോടിച്ചയാളെ ഷാർജ പൊലീസ് അറസ്റ്റ് ചെയ്തു. ഗതാഗത നിരീക്ഷണ സംവിധാനങ്ങളിൽ നിന്ന് രക്ഷപ്പെടാൻ വേണ്ടിയാണ് ഇയാൾ വാഹനത്തിൽ വ്യാജ ലൈസൻസ് പ്ലേറ്റുകൾ ഘടിപ്പിച്ചത്.

ഇയാൾ നേരത്തെ 137 ഗതാഗത നിയമലംഘനങ്ങൾ നടത്തിയതായും 104,000 ദിർഹം പിഴ ഈടാക്കിയതായും അധികൃതർ കണ്ടെത്തി. വാഹന ഉടമയ്ക്ക് 308 ട്രാഫിക് ബ്ലാക്ക് പോയിന്റുകളും ഉണ്ടായിരുന്നു. വാഹനം കണ്ടുകെട്ടാനുള്ള കാലാവധി 764 ദിവസത്തിൽ കൂടുതലായിരുന്നുവെന്നും പൊലീസ് പറഞ്ഞു.