ഷൈന്‍ ടോം ചാക്കോയും ശ്രീനാഥും തസ്ലീമയും സുഹൃത്തുക്കള്‍; സൗമ്യ

കൊച്ചി: ആലപ്പുഴ ഹൈബ്രിഡ് കഞ്ചാവ് കേസില്‍ ചോദ്യം ചെയ്യലിന് പിന്നാലെ മാധ്യമങ്ങളോട് പ്രതികരിച്ച് മോഡല്‍ സൗമ്യ. നടന്മാരായ ഷൈന്‍ ടോം ചാക്കോ, ശ്രീനാഥ് ഭാസി എന്നിവരുമായുള്ള ബന്ധമെന്താണെന്നാണ് എക്സൈസ് ചോദിച്ചതെന്ന് സൗമ്യ പറഞ്ഞു. ഇരുവരുമായും സുഹൃദ്ബന്ധത്തിനപ്പുറമൊന്നുമില്ല. ഇന്‍സ്റ്റാഗ്രാമിലൂടെയാണ് താരങ്ങളെ പരിചയപ്പെട്ടതെന്നും ഒരു വര്‍ഷമായി സുഹൃത്തുക്കളാണെന്നും സൗമ്യ പറഞ്ഞു.

ഹൈബ്രിഡ് കഞ്ചാവ് കേസിലെ മുഖ്യപ്രതി തസ്ലീമ സുല്‍ത്താനയും സുഹൃത്തായിരുന്നുവെന്നും അവര്‍ പറഞ്ഞു. തസ്ലീമയുമായി ഉള്ളത് പരിചയം മാത്രമാണെന്നും സാമ്പത്തിക ഇടപാടുകളില്ലെന്നും റിയല്‍ മീറ്റ് എന്താണെന്ന് അറിയില്ലെന്നും സൗമ്യ പറഞ്ഞു. എന്നാല്‍ ആരുമായും ലഹരിയോ സാമ്പത്തികമോ ആയ ഇടപാടുകളില്ലെന്നും സൗമ്യ പറഞ്ഞു. സൗമ്യയെ വ്യവസ്ഥകളോടെയാണ് എക്സൈസ് വിട്ടയച്ചത്. ആവശ്യമുണ്ടെങ്കില്‍ വീണ്ടും വിളിപ്പിക്കുമെന്നും ഹാജരാകണമെന്നും എക്സൈസ് ആവശ്യപ്പെട്ടിട്ടുണ്ട്.
ആറ് മണിക്കൂറിലധികം നീളുന്ന ചോദ്യം ചെയ്യലിന് ശേഷമാണ് സൗമ്യയെ വിട്ടയച്ചത്.