ആസിഫ് അലിയുടെ സര്‍ക്കീട്ടിലെ ‘ജെപ്പ്’ സോങ് പുറത്ത്

ആസിഫ് അലിയെ നായകനാക്കി താമര്‍ സംവിധാനം ചെയ്യുന്ന ചിത്രമാണ് ‘സര്‍ക്കീട്ട്’. ചിത്രത്തിലെ പുതിയ ഗാനം പുറത്തിറങ്ങി. ‘ജെപ്പ്’ എന്ന് തുടങ്ങുന്ന ഗാനത്തിന്റെ വീഡിയോയാണ് റിലീസ് ചെയ്തിരിക്കുന്നത്. ഇലക്ട്രോണിക് കിളി ആലപിച്ചിരിക്കുന്ന ഈ ഗാനത്തിന് സംഗീതം പകര്‍ന്നത് ഗോവിന്ദ് വസന്തയാണ്. ഗാനത്തിന്റെ വരികള്‍ രചിച്ചത് സുഹൈല്‍ കോയയാണ്. ദീപക് പറമ്പോല്‍, ദിവ്യ പ്രഭ, ബാലതാരം ഓര്‍ഹാന്‍ എന്നിവരാണ് ഈ ഗാനരംഗത്തില്‍ അഭിനയിച്ചിരിക്കുന്നത്. മെയ് 8ന് ലോകമെമ്പാടുമുള്ള തിയേറ്ററുകളില്‍ സര്‍ക്കീട്ട് പ്രദര്‍ശനത്തിനെത്തും.

അജിത് വിനായക ഫിലിംസ് വിത്ത് ആക്ഷന്‍ ഫിലിംസിന്റെ ബാനറില്‍ വിനായക അജിത്, ഫ്‌ളോറിന്‍ ഡൊമിനിക്ക് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രമാണിത്. പൂര്‍ണ്ണമായും ഗള്‍ഫ് പശ്ചാത്തലത്തില്‍ ഒരുങ്ങുന്ന ചിത്രം ദുബൈ, ഷാര്‍ജ, ഫുജൈറ, റാസല്‍ഖൈമ എന്നിവിടങ്ങളിലായാണ് ചിത്രീകരിച്ചിരിക്കുന്നത്. ദീപക് പറമ്പോല്‍, ദിവ്യ പ്രഭ, പ്രശാന്ത് അലക്‌സാണ്ടര്‍, രമ്യ സുരേഷ്, സ്വാതി ദാസ് പ്രഭു, സിന്‍സ് ഷാന്‍, ഗോപന്‍ അടാട്ട് എന്നിവരും ചിത്രത്തില്‍ അണിനിരക്കുന്നുണ്ട്. ചിത്രം ഏപ്രിലില്‍ പ്രദര്‍ശനത്തിനെത്തും.

ഛായാഗ്രഹണം- അയാസ് ഹസന്‍, സംഗീതം- ഗോവിന്ദ് വസന്ത, എഡിറ്റര്‍- സംഗീത് പ്രതാപ്, പ്രൊജക്റ്റ് ഡിസൈനര്‍- രഞ്ജിത് കരുണാകരന്‍, കലാസംവിധാനം വിശ്വനാഥന്‍ അരവിന്ദ്, വസ്ത്രാലങ്കാരം ഇര്‍ഷാദ് ചെറുകുന്ന്, മേക്കപ്പ് സുധി, ലൈന്‍ പ്രൊഡക്ഷന്‍ റഹിം പിഎംകെ, പോസ്റ്റര്‍ ഡിസൈന്‍- ആനന്ദ് രാജേന്ദ്രന്‍ (ഇല്ലുമിനാര്‍ട്ടിസ്റ്റ് ക്രീയേറ്റീവ്സ്), സ്റ്റില്‍സ്- എസ്ബികെ ഷുഹൈബ്, സിങ്ക് സൗണ്ട്- വൈശാഖ്, പിആര്‍ഒ- വൈശാഖ് വടക്കേവീട്, ജിനു അനില്‍കുമാര്‍.