കെഎം എബ്രഹാമിനെതിരായ അന്വേഷണം വൈകുന്നതിൽ പരാതി നൽകി ജോമോൻ പുത്തൻപുരയ്ക്കൽ

കൊച്ചി: അനധികൃത സ്വത്തു സമ്പാദനത്തിൽ മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറി കെഎം എബ്രഹാമിനെതിരായ അന്വേഷണം വൈകുന്നെന്ന് പരാതി. സിബിഐ അന്വേഷണം വൈകുന്നെന്നാരോപിച്ച് സിബിഐ കൊച്ചി എസ്പിയ്ക്ക് പൊതുപ്രവർത്തകൻ ജോമോൻ പുത്തൻപുരയ്ക്കൽ പരാതി നൽകി. കെഎം എബ്രഹാം വരവിൽ കവിഞ്ഞ സ്വത്ത് സമ്പാദിച്ചെന്ന പരാതിയിൽ സിബിഐ അന്വേഷണത്തിന് ഹൈക്കോടതി ഉത്തരവിട്ടിരുന്നു. കൊച്ചി സിബിഐ യൂണിറ്റിനാണ് കേസ് ഏറ്റെടുക്കാനുള്ള നിർദേശം ഹൈക്കോടതി നൽകിയത്. എന്നാൽ രണ്ടാഴ്ച്ച പിന്നിട്ടിട്ടും സിബിഐ അന്വേഷണം തുടങ്ങിയിട്ടില്ലെന്നാണ് പരാതി. നേരത്തെ സംസ്ഥാന വിജിലൻസ് കെഎം എബ്രഹാമിനെതിരായ പരാതി അന്വേഷിച്ച് തള്ളിയിരുന്നു.