ഡ്യുക്കാട്ടി സ്‌ക്രാംബ്ലർ ഫുൾ ത്രോട്ടിൽ ഇന്ത്യയിൽ വിൽപ്പനയ്‌ക്കെത്തുന്നു

2025 ഡ്യുക്കാട്ടി സ്‌ക്രാംബ്ലർ ഫുൾ ത്രോട്ടിൽ ഇന്ത്യയിൽ വിൽപ്പനയ്‌ക്കെത്തുന്നു. 12.6 ലക്ഷം രൂപയാണ്(എക്‌സ്-ഷോറൂം) ഇത് സ്വന്തമാക്കാൻ നൽകേണ്ടത്. വെങ്കലവും കറുപ്പും നിറത്തിലുള്ള ലിവറിയും, ’62’ എന്ന നമ്പറും, കുറഞ്ഞ വേരിയബിൾ ക്രോസ്-സെക്ഷൻ ഹാൻഡിൽബാറും ഇതിന്റെ സവിശേഷതകളാണ്. പുതിയ ഫ്ലാറ്റർ സിംഗിൾ-പീസ് സീറ്റ് ഡേർട്ട്-ബൈക്ക് ലുക്ക് നൽകുന്നു. 795 mm ആണ് സീറ്റ് ഉയരം .

ഹെഡ്‌ലൈറ്റിലെ ‘X’ ഡിസൈനിലുള്ള എൽഇഡി റിംഗ് കൂടുതൽ സ്പോർട്ടി ആകർഷണം നൽകുന്നു. ഈ മോട്ടോർസൈക്കിളിൽ 803 cc L-ട്വിൻ എഞ്ചിനാണ് ഉപയോഗിച്ചിരിക്കുന്നത്, ഇത് 8,250 rpm-ൽ 73 bhp കരുത്തും 7,000 rpm-ൽ 65.2 Nm torque ഉം നൽകുന്നു. 6-സ്പീഡ് ഗിയർബോക്സും ബൈ-ഡയറക്ഷണൽ ക്വിക്ക്-ഷിഫ്റ്ററും ഇതിലുണ്ട്.

സസ്പെൻഷനായി മുന്നിൽ 41 mm KYB USD ഫോർക്കും പിന്നിൽ പ്രീ-ലോഡ് ക്രമീകരിക്കാവുന്ന KYB മോണോഷോക്കും നൽകിയിരിക്കുന്നു. ഇരുവശത്തും 150 mm ട്രാവൽ ലഭ്യമാണ്. പിറെല്ലി MT60 ടയറുകളുള്ള 18 ഇഞ്ച് അലോയ് വീൽ മുന്നിലും 17 ഇഞ്ച് അലോയ് വീൽ പിന്നിലുമുണ്ട്. ബ്രേക്കിംഗിനായി മുന്നിൽ 4-പിസ്റ്റൺ കാലിപ്പറോടുകൂടിയ 330 mm ഡിസ്കും പിന്നിൽ സിംഗിൾ-പിസ്റ്റൺ കാലിപ്പറോടുകൂടിയ 245 mm ഡിസ്കും ബോഷ് കോർണറിംഗ് ABS-ഉം സുരക്ഷ നൽകുന്നു. ഇന്ധനമില്ലാതെ 176 കിലോഗ്രാം ആണ് ഭാരം.

4.3 ഇഞ്ച് TFT ഡിസ്‌പ്ലേ, റൈഡ്-ബൈ-വയർ, റോഡ്, സ്‌പോർട് എന്നിങ്ങനെ രണ്ട് റൈഡിംഗ് മോഡുകൾ, സ്മാർട്ട്‌ഫോൺ കണക്റ്റിവിറ്റി, ആവശ്യമെങ്കിൽ ഓഫ് ചെയ്യാവുന്ന ട്രാക്ഷൻ കൺട്രോൾ, കോർണറിംഗ് ABS തുടങ്ങിയ സവിശേഷതകളും ഈ ബൈക്കിലുണ്ട്. വസ്ത്രങ്ങൾ, എക്‌സ്‌ഹോസ്റ്റുകൾ, സീറ്റുകൾ തുടങ്ങിയ നിരവധി ആക്‌സസറികളും ഡ്യുക്കാട്ടി വാഗ്ദാനം ചെയ്യുന്നു.