അംഗങ്ങൾ സ്വത്തുവിവരങ്ങൾ വെളിപ്പെടുത്തണമെന്ന പരാതിയിൽ നടപടികൾ സ്വീകരിച്ച് ദേശീയ മെഡിക്കൽ കമ്മിഷൻ

അംഗങ്ങൾ സ്വത്തുവിവരങ്ങൾ വെളിപ്പെടുത്തണമെന്ന പരാതിയിൽ നടപടികൾ സ്വീകരിച്ച് ദേശീയ മെഡിക്കൽ കമ്മിഷൻ (എൻ.എം.സി). എൻ.എം.സി. ചെയർമാൻ ഉൾപ്പെടെയുള്ള അംഗങ്ങൾ സ്വത്തുവിവരങ്ങൾ വെളിപ്പെടുത്താത്തതിനെതിരായ പരാതിയിൽ ഉചിതമായ നടപടിയെടുക്കാൻ കേന്ദ്ര ആരോഗ്യ കുടുംബക്ഷേമ മന്ത്രാലയത്തോട് പ്രധാനമന്ത്രിയുടെ ഓഫീസ് (പി.എം.ഒ.) നിർദേശിച്ചിരുന്നു. ഇതിനുപിന്നാലെയാണ് എൻ.എം.സി. ചെയർമാൻ ബി.എൻ. ഗംഗാധർ, പ്രസിഡന്റ് അരുണ വിശ്വനാഥ്, വിജയ് ഓസ, സ്ഥിരം അംഗങ്ങളായ വിജയേന്ദ്രകുമാർ, വിജയ ലക്ഷ്മി നാഗ്, ജിതുലാൽ മീന, യോഗേന്ദ്ര മാലിക് എന്നിവരുടെ സ്വത്തുവിവരങ്ങൾ എൻ.എം.സി. വെബ്‌സൈറ്റിൽ പ്രസിദ്ധീകരിച്ചത്.