ദുഃഖ വെളളി ദിനത്തിൽ കൈമാറാം സന്ദേശങ്ങൾ

ക്രിസ്തുവിന്റെ പീഡാനുഭവത്തിന്റെയും മരണത്തിന്റെയും ഓര്‍മ്മ പുതുക്കലാണ് ദുഃഖ വെളളി. കാല്‍വരിയില്‍ യേശു ജീവാര്‍പ്പണം ചെയ്ത ദിവസം ഇംഗ്ലീഷില്‍ Good Friday (ഗുഡ് ഫ്രൈഡേ/നല്ല വെളളി) എന്നു അറിയപ്പെടുന്നു. യേശുവിനെ ക്രൂശിലേറ്റിയ ദിവസം പക്ഷേ നമ്മള്‍ക്ക് ദുഃഖ വെളളിയാണ്.

‘ഞാൻ നിങ്ങളെ സ്നേഹിച്ചതുപോലെ നിങ്ങളും പരസ്പരം സ്നേഹിക്കണ’മെന്ന ക്രിസ്തുവിന്റെ സന്ദേശം പങ്കു വയ്ക്കാനുളള ദിനം കൂടിയാണ് ദുഃഖവെളളി. ലോക ജനതയുടെ രക്ഷയ്ക്കായി ജീവൻ നൽകിയ ക്രിസ്തുവിന്റെ സ്നേഹം സന്ദേശങ്ങളായി ഈ ദിനത്തിൽ പങ്കു വയ്ക്കാം. ഈ ദിനത്തിലെ നമ്മുടെ പ്രാർഥനകൾ പ്രിയപ്പെട്ടവർക്കും കൂടിയാകട്ടെ.