വാളയാറിൽ വീണ്ടും കഞ്ചാവ് വേട്ട

കഞ്ചിക്കോട്: വാളയാറിൽ വീണ്ടും കഞ്ചാവ് വേട്ട. ചാക്കിൽ ഉണക്ക കഞ്ചാവ് കൊണ്ടുവരികയായിരുന്ന ബംഗാൾ സ്വദേശിയാണ് പിടിയിലായത്.

ഇന്നലെ രാവിലെ വാളയാർ എക്‌സൈസ് ചെക്ക് പോസ്റ്റിൽ നടത്തിയ വാഹന പരിശോധനയിൽ ആണ് ബസിൽ കടത്താൻ കൊണ്ട് വന്ന കഞ്ചാവ് പിടികൂടിയത്.

യാത്രക്കാരനായ വെസ്റ്റ് ബംഗാൾ മുർഷിദാബാദ് കസിപാറ പുർഭി സ്വദേശി ഇനാമുൾഹഖ് (55) ആണ് പിടിയിലായത്. ഇയാളിൽ നിന്ന് 7.9 കിലോ ഉണക്ക കഞ്ചാവ് കണ്ടെത്തി. ഇയാളെ അറസ്റ്റ് ചെയ്ത് പാലക്കാട് റെയ്ഞ്ച് ഓഫീസിൽ ഹാജരാക്കി.