തരംഗമായി രഞ്ജിത്ത് സജീവിന്റെ നൃത്ത ചുവടുകള്‍; യൂട്യൂബില്‍ വൈറലായി രസമാലെ സോംഗ്

അരുണ്‍ വൈഗയുടെ സംവിധാനത്തില്‍ രഞ്ജിത്ത് സജീവ് നായകനായി എത്തുന്ന പുതിയ ചിത്രമാണ് യുണൈറ്റഡ് കിങ്ഡം ഓഫ് കേരള (UKOK). ചിത്രത്തിലെ വീഡിയോ സോങ് കഴിഞ്ഞ ദിവസമാണ് യുട്യൂബിലൂടെ റിലീസ് ചെയ്തത്. ഏതാനും ദിവസങ്ങള്‍ കൊണ്ട് മാത്രം ചിത്രത്തിന്റെ വീഡിയോ സോങ് യൂട്യൂബില്‍ ട്രന്‍ഡിങ് ലിസ്റ്റില്‍ ഇടം പിടിച്ചിരിക്കുകയാണ് ഇപ്പോള്‍. പാട്ടിലെ രഞ്ജിത്ത് സജീവന്റെ ഡാന്‍സ് കണ്ട പ്രേക്ഷകന്‍ ഗംഭീരം എന്നാണ് പറയുന്നത്. രസമാലെ എന്ന പാട്ടിന് ഇപ്പോള്‍ പതിനൊന്നു ലക്ഷത്തിന് മുകളിലാണ് കാഴ്ചക്കാര്‍. വരും ദിവസങ്ങളില്‍ ഇത് വീണ്ടും ഉയരാനാണ് സാധ്യത.

തുടരെ മലയാളികള്‍ക്ക് ഹിറ്റുകള്‍ മാത്രം തരുന്ന രഞ്ജിത്ത് സജീവന്റെ അടുത്ത ഹിറ്റ് തന്നെയായിരിക്കും UKOK എന്നും പ്രേക്ഷകര്‍ പറയുന്നു. ഈ ചിത്രത്തിലൂടെ കേരളത്തിലെ യുവതി യുവാക്കളുടെ ഹരമായി മാറാനും രഞ്ജിത്ത് സജീവനാകും. മൈക്ക്, ഖല്‍ബ്, ഗോളം, എന്നീ ചിത്രങ്ങള്‍ക്ക് ശേഷം രഞ്ജിത്ത് സജീവ് നായകനാകുന്ന ചിത്രമാണ് യുണൈറ്റഡ് കിങ്ഡം ഓഫ് കേരള. ശബരീഷ് വര്‍മ്മയുടെ വരികള്‍, രാജേഷ് മുരുഗേശന്‍ കമ്പോസ് ചെയ്ത്, കപില്‍ കപിലാന്‍, ഫാസ്സി, രാജേഷ് മുരുഗേശന്‍ എന്നിവരാണ് രസമാലെ പാടിയിരിക്കുന്നത്.